Joriy yilda eng koʻp nikoh Samarqandda qayd etilgan

Qayd etilgan nikohlarda erkaklar va ayollarning yosh guruhlari boʻyicha taqsimlanganda erkaklar oʻrtasida 20 yoshgacha – 1,4 foiz, 20-30 yosh – 79,3 foiz, 31-40 yosh – 13,2 foiz va 41 yosh va undan kattalar – 6,1 foizni tashkil etmoqda.

Ayollar oʻrtasida esa 20 yoshgacha – 34 foiz, 20-30 yosh – 54,2 foiz, 31-40 yosh – 9,1 foiz, 41 yosh va undan kattalar – 2,7 foizni tashkil etgan.

Qayd etilgan nikohlarning hududlar kesimidagi soniga ahamiyat beradigan boʻlsak, bunda Samarqand viloyati 10,5 mingta bilan peshqadamlik qilmoqda.

Shuningdek, bu koʻrsatkich Qoraqalpogʻiston Respublikasida – 5,7 mingta, Andijon viloyatida – 7,6 mingta, Buxoroda – 5,7 mingta, Jizzax – 3,6 mingta;

Qashqadaryo – 9,6 mingta, Navoiy – 2,7 mingta, Namangan– 6,2 mingta;

Surxondaryo viloyati – 8 mingta, Sirdaryo – 2,4 mingta, Toshkent – 7,2 mingta;

Fargʻona – 9,8 mingta, Xorazm – 6,9 mingta hamda Toshkent shahrida 9,4 mingtani koʻrsatmoqda.