Dam olish kunlari qanday ob-havoda oʻtishi aytildi

Qoraqalpogʻiston Respublikasi va Xorazm viloyatida havo biroz bulutli boʻladi, yogʻingarchilik kutilmaydi. Shamol sharqdan 7-12 m/s tezlikda esadi. Harorat kechasi 13 oktabrda 3-8 daraja iliq, 14-15 oktabrda 0-5 daraja iliq, Ustyurtda 2 daraja sovuq – 3 daraja iliq, kunduzi 10-15 daraja boʻladi. 

Buxoro va Navoiy viloyatlarida havo biroz bulutli boʻladi, 13 oktabrda baʼzi joylarda yomgʻir yogʻadi. 14-15 oktabrda yogʻingarchilik kutilmaydi. Gʻarbiy shamol yoʻnalishini oʻzgartirib, sharqdan 7-12 m/s tezlikda esadi. Harorat kechasi  13 oktabrda 8-13 daraja, 14-15 oktabrda 5-10 daraja, kunduzi 13-14 oktabrda 17-22 daraja; 15 oktabrda 14-19 daraja; Navoiy viloyatining shimolida kechasi 13 oktabrda 3-8 daraja iliq, 14-15 oktabrda 0-5 daraja iliq, kunduzi 10-15 daraja boʻladi. 

Toshkent, Sirdaryo, Jizzax va Samarqand viloyatlarida havo biroz bulutli boʻladi, 13-14 oktabrda baʼzi joylarda yomgʻir yogʻadi. 15 oktabrda yogʻingarchilik kutilmaydi. Gʻarbiy shamol yoʻnalishini oʻzgartirib, sharqdan 7-12 m/s tezlikda esadi, 13 oktabrda baʼzi joylarda 13-18 m/s gacha kuchayishi, ayrim joylarda chang-toʻzonlar bilan kuzatilishi mumkin. Harorat 13 oktabrda kechasi 10-15 daraja, kunduzi 17-22 daraja; 14 oktabrda kechasi 8-13 daraja, kunduzi 15-20 daraja; 15 oktabrda kechasi 8-13 daraja, kunduzi 13-18 daraja boʻladi. 

Qashqadaryo va Surxondaryo viloyatlarida havo biroz bulutli boʻladi, yogʻingarchilik kutilmaydi, faqat 14 oktabrda Qashqadaryo viloyatida baʼzi joylarda yomgʻir yogʻadi. Gʻarbiy shamol yoʻnalishini oʻzgartirib, sharqdan 7-12 m/s tezlikda esadi, 13 oktabrda baʼzi joylarda 13-18 m/s gacha kuchayishi, ayrim joylarda chang-toʻzonlar bilan kuzatilishi mumkin. Harorat 13 oktabrda kechasi 13-18 daraja, kunduzi 22-27 daraja; 14-15 oktabrda kechasi 10-15 daraja, kunduzi 20-25 daraja boʻladi. 

Andijon, Namangan va Fargʻona viloyatlarida havo biroz bulutli boʻladi, baʼzi joylarda yomgʻir yogʻadi. Shamol gʻarbdan 5-10 m/s tezlikda esadi. Harorat kechasi 10-15 daraja, kunduzi 13 oktabrda 20-25 daraja, 14-15 oktabrda 15-20 daraja boʻladi. 

Respublikaning togʻ oldi va togʻli hududlarida havo biroz bulutli boʻladi, baʼzi joylarda yomgʻir yogʻadi, ayrim joylarda kuchli yomgʻir yogʻishi, baland togʻli hududlarda qorga aylanishi mumkin. Shamol gʻarbdan 7-12 m/s tezlikda esadi, 13-14 oktabrda baʼzi joylarda 13-18 m/s gacha kuchayishi mumkin. Harorat 13 oktabrda kechasi 5-10 daraja, kunduzi 10-15 daraja, 14 oktabrda kechasi  5-10 daraja, kunduzi 8-13 daraja, 15 oktabrda kechasi 0-5 daraja iliq, kunduzi 5-10 daraja boʻladi.