Joriy hafta oʻzbekistonliklarni qanday ob-havo kutmoqda?

Bugun, 17 fevral kuni kunduzi Oʻzbekiston hududi boʻyicha yogʻingarchiliksiz ob-havo boʻlishi kutilmoqda. Kecha havo keskin sovuq boʻlganidan soʻng harorat tez koʻtarila boshlaydi va kunning oʻrtasiga kelib havo 8-13 daraja iliqqacha isiydi. 

18-19 fevral kunlari Respublikaning katta qismida yogʻingarchiliksiz ob-havo saqlanib turadi. Faqat Buxoro, Navoiy, Qashqadaryo, Surxondaryo viloyatlarining baʼzi joylarida va 19 fevral kuni Samarqand, Jizzax viloyatlarining ayrim hududlarida yomgʻir yogʻishi mumkin. Ushbu kunlarda havo harorati deyarli oʻzgarmaydi. 

Haftaning ikkinchi yarmida Oʻzbekistonning barcha hududlari boʻyicha quruq va bahoriy iliq ob-havo boʻlishi kutilmoqda. Kunduz kunlari havo  15-20 daraja iliqqacha isiydi. Bu harorat mart oyining oxiri va aprel oyining boshidagi iqlim koʻrsatkichlariga mos keladi. Harorat kechalari 3-8 daraja iliq atrofida boʻladi. 

Shamol sharqdan 7-12 m/s tezlikda esadi, 18 fevral kuni ayrim joylarda 13-18 m/s gacha kuchayadi. 17-20 fevral kunlari yogʻingarchilik kutilmaydi. Shamol sharqdan 3-8 m/s tezlikda esadi. 17-19 fevralda harorat asosan kechalari 0-3 daraja iliq, kunduz kunlari 11-14 daraja iliq, 20-21 fevralda kechalari 2-5 daraja iliq boʻladi, kunduz kunlari esa 15-18 daraja iliqqacha koʻtariladi.