Oʻzbekiston 6 ta davlat fuqarolari uchun vizasiz rejim joriy qildi

Vazirlar Mahkamasining 1996 yil 21 noyabrdagi 408-sonli qaroriga kiritilgan oʻzgarishlarga muvofiq, vizasiz tartib joriy etilgan mamlakatlar roʻyxatiga yana 6 ta davlat qoʻshildi:

Bahrayn, Qatar, Kuvayt, Ummon, Saudiya Arabistoni va Iordaniya.

Bu davlatlar fuqarolari Oʻzbekistonga 30 kungacha vizasiz kirish huquqiga ega boʻladi.

Shuningdek, Xitoy fuqarolari uchun vizasiz tarzda qolish muddati 30 kunga uzaytirildi. Gonkong aholisi uchun esa avvalgi kabi 7 kunlik vizasiz kirish huquqi saqlanib qoldi.

Qaror bilan birga 15 davlat fuqarolari uchun biznes vizalarini berish tartibi ham soddalashtirildi. Ular quyidagilar:

Avstriya, Belgiya, Buyuk Britaniya, Germaniya, Ispaniya, Italiya, Latviya, Malayziya, Fransiya, Chexiya, Shveysariya, Yaponiya, BAA, Eron va Pokiston.

Eron va Pokiston fuqarolariga biznes vizalar ishbilarmonlik va akademik doiralar hamda turistik guruhlar uchun soddalashtirilgan tartibda beriladi. Qoʻshimcha tekshiruv zarur boʻlgan hollarda viza rasmiylashtirish muddati 10 kungacha uzaytirilishi mumkin.