Qashqadaryoda YTH oqibatida ikki kishi halok boʻldi

Qayd etilishicha, mazkur hodisa 7 oktabr kuni soat 14:20 larda Gʻuzor tumani "Qoratikan" MFY hududidan oʻtuvchi 4R-79 "Qarshi – Chim – Chiroqchi – Shahrisabz" avtomobil yoʻlining 25-kilometrida yuz bergan.

Unda haydovchi B.T. boshqaruvida boʻlgan "Mersedes-Benz" mashinasi qarama-qarshi tomondan harakatlanib kelayotgan, haydovchi Q.S. boshqaruvidagi "Labo" rusumli avtomobil bilan toʻqnashib ketgan. Oqibatda "Labo" rusumli transport vositasida boʻlgan 2 nafar fuqaro voqea joyida vafot etishgan. 

Ayni damda mazkur holat yuzasidan Oʻzbekiston Respublikasi Jinoyat kodeksining 266-moddasi 3-qismi bilan jinoyat ishi qoʻzgʻatilib, tergov harakatlari olib borilmoqda. 

Eslatib oʻtamiz, bundan oldin ham Samarqand viloyati Narpay tumanida yuz bergan yoʻl-transport hodisasi oqibatida ayol kishi vafot etgan edi.