Tugʻruq maskanining achinarli ahvoli: Saida Mirziyoyeva holatni oʻrgandi

«Sogʻliqni saqlashdagi muammolarni faqat hisobotlar orqali baholab boʻlmaydi, buni joyida koʻrish mumkin», — dedi Prezident Administratsiyasi rahbari tibbiyot muassasalari faoliyati bilan tanishuv chogʻida.

Samarqand viloyati Urgut tumanida 1972 yilda qurilgan mazkur bino hozirda 13 mingdan ortiq aholiga xizmat koʻrsatib, 16 ta qishloq uchun yagona tugʻruq maskani hisoblanadi. Shunga qaramasdan, muassasaning moddiy-texnik holati zamonaviy talablarga javob bermaydi.

Prezident Administratsiyasi rahbarining taʼkidlashicha, tibbiyot muassasasidagi yuklama nihoyatda katta, mavjud sharoit esa, jumladan, kabinetlardan suv tomchilab oqayotgani, qoʻshimcha izoh talab qilmaydi. 

Shu munosabat bilan diagnostika, davolash jarayonlari hamda tibbiy kadrlar tayyorlash standartlarini qayta koʻrib chiqish zarurligi qayd etildi. Mutasaddilarga mavjud kamchiliklarni bartaraf etish va tibbiy xizmat sifatiga alohida eʼtibor qaratish boʻyicha topshiriqlar berildi.