Oʻzbekistonda temiryoʻl chiptalari narxi yana oshirildi

Unga koʻra, "Afrosiyob" elektropoyezdlarning Toshkent – Buxoro yoʻnalishida eng arzon chipta narxi 484 ming soʻm, Toshkent – Qarshi yoʻnalishida eng arzon chipta 406 ming soʻm, Toshkent –Samarqand yoʻnalishida harakatlanadigan "Afrosiyob" poyezdining eng arzon chipta narxi esa 294 ming soʻmni tashkil etadi.

"Tashkilot oshirilgan chipta narxlarining puliga  temir yoʻl infratuzilmasi, elektr energiya, yoqilgʻi va transport xarajatlarini qoplash, shuningdek yuqori tezlikda harakatlanuvchi elektropoyezdlarni xarid qilish va yoʻlovchi vagonlari parkini yangilash, temiryoʻl vokzallari faoliyatini yangicha zamonaviy talablarga muvofiq olib borish va yoʻlovchilarga sifatli xizmat koʻrsatishni maqsad qilgan", deyiladi xabarda.

Eslatib oʻtamiz, 2024 yilning yoz oylarida mahalliy va xorijiy sayyohlar Oʻzbekistonda harakatlanayotgan poyezdlarining talabga javob bermasligini, elektron chiptani sotib olishdagi muammolar va poyezdlar haqida saytda berilgan maʼlumotlar asliyatga toʻgʻri kelmasligini bir necha bora aytib chiqqan edi.

Maʼlumot uchun, 2024 yilning oʻzida Oʻzbekiston temir yoʻl chiptalarining narxlariga 3 marotaba oʻzgartirishlar kiritilgan. Oxirgi oʻzgartirish oʻtgan yilning 1 iyulida mahalliy yoʻnalishlardagi yoʻlovchi poyezdlar — "Nasaf", "Sharq", "Oʻzbekiston" poyezdlari chipta narxlarining tarif qismi 25 foizga oshirilgan edi.