Oʻzbekistondagi partiyalarning lideri Alisher Qodirovmi? (soʻrovnoma)

Soʻrovnomada qatnashgan respondentlarning koʻpchiligi Oʻzbekistondagi partiyalarning nomini bilishsa ham ularning rahbarlari kimligini aytishda qiynaldi. Mazkur soʻrovnomada qatnashgan 80 foiz odam Milliy Tiklanish demokratik partiyasi lideri Alisher Qodirovni mamlakatda mavjud boʻlgan barcha partiyalarining rahbari deya taʼkidlashdi.

"Oʻzbekistonda beshta partiya borligini bilaman-u ularni rahbarlarini tanimayman", deydi soʻrovnoma qatnashchilaridan biri.

Boshqa bir respondent esa faqat bitta partiya rahbarini bilishini, u ham "Oʻzbekiston liberal demokratik partiyasi" lideri ekanligini aytdi.

"Men hamma partiya rahbarini tanimayman. Lekin Oʻzbekiston liberal demokratik partiyasining raisini taniyman. U Alisher Qodirov", deydi qatnashchi.

Yana boshqa bir soʻrovnoma ishtirokchisi Oʻzbekistonga partiya nima uchun kerak, ularning qilgan ishlari amalda bajarilyaptimi, degan savolga ijobiy javob berdi.

"Albatta, Oʻzbekistonga boshqa davlatlar singari partiyalar kerak. Muxolifatni ishi mamlakatni rivojlantirish va ular bunga xizmat qilyapti. Biroq optimal emas ", deya fikr bildirdi respondent.

Xoʻsh, siz Oʻzbekistondagi qaysi partiyani bilasiz? Ularning liderlarini taniysizmi? Sizningcha davlatga partiya nima uchun kerak?