Oʻzbekistonlik senator sud tizimida baʼzi Afrika mamlakatlardan ham orqada ekanligimini aytib, sud tizimdagi tanazzulni tan oldi

Uning aytishicha, Oʻzbekiston Jahon odil sudlov loyihasining (World Justice Project)2023 yilgi reytingida huquq ustuvorligi indeksida besh pogʻonaga pasayib, 83-oʻringa tushib qolgan. Oʻzbekistonning xalqaro reytingdagi bu natijasi Markaziy Osiyo davlatlarida ham, global reytingda ham mamlakat pozitsiyalariga salbiy taʼsir koʻrsatgan.

"Besh pogʻona yuqorilaganimizda boshqacha gap boʻlardi. Ammo bu gal yana orqaga ketyapmiz",  degan u.

Senator bu pasayish sabablarini sanar ekan, haligacha "telefon huquqi" yaʼni sud qarorlariga shaxslar aralashuvi holatlari mavjudligini taʼkidlagan.

Ayni paytda, fuqarolik sudloviga erishish darajasi boʻyicha subindeksda ham salbiy oʻzgarish kuzatilgan. Oʻzbekiston 96-oʻrindan 106-oʻringa tushib ketgan.

"Biz jahon standartlariga intilyapmiz deymiz, lekin baʼzi afrikancha rejimlardan ham orqada qolyapmiz. Bu haqiqatni tan olishimiz va tizimli oʻzgarishlar qilishimiz shart",  dedi senator.