Rossiya va Turkmaniston aloqalarining rivojlanishida Gurbanguli Berdimuhamedovning o‘rni katta — Putin

Unda qayd etilishicha, uchrashuvda Putin Berdimuhamedovning Turkmaniston va Rossiya oʻrtasidagi sheriklik munosabatlarini mustahkamlashdagi oʻrni beqiyosligini bildirgan.

"Rossiya va Turkmaniston oʻrtasidagi strategik sheriklik munosabatlari muvaffaqiyatli rivojlanmoqda, mamlakatlar bir-birga juda yaqin va ishonchli hamkordir. Albatta, ikki davlatning bunday mustahkam rivojlanishi Gurbanguli Berdimuhamedovning saʼy-harakatlari tufaylidir", deydi Rossiya yetakchisi.

Shuningdek, Putin Rossiyaning 60 ta subʼekti Turkmanistonda hamkorlik aloqalarini yoʻlga qoʻyganligiga ham toʻxtalgan.

"Davlatlarimiz oʻrtasida savdo-iqtisodiy aloqalar rivojlanmoqda, yaxshi loyihalar mavjud, ularni rivojlantirish uchun qoʻlimizdan kelganini qilamiz. Bugungi kunda Turkmanistonda Rossiyaning 60 ta subʼekti davlat bilan barqaror aloqalarga ega. Mazkur yoʻnalishlarning liderlari — Tatariston, Astraxan, Sankt-Peterburg", deya qoʻshimcha qilgan u.