Shahnoza Mirziyoyeva Diyora Keldiyorova bilan uchrashdi

Shahnoza Mirziyoyeva qoldirgan postida Diyora Keldiyorovani erishgan gʻalabasi bilan tabriklab, unga bir qancha takliflar bilan chiqqanini aytib oʻtgan.

“Yozgi Olimpiya oʻyinlaridagi olamshumul gʻalabasi bilan Diyora Keldiyorovani oʻzim va oilam nomidan qutladim. Vatandoshlarimiz uni bejiz Toʻmarisga, Oybarchinga oʻxshatishayotgani yoʻq. Chunki u nafaqat mamlakatimiz, balki Markaziy Osiyo mintaqasida Olimpiada chempioni boʻlgan ilk dzyudochi ayol sifatida sport tarixi sahifalaridan joy oldi”,

 deydi Mirziyoyeva.

Shuningdek, u Diyoraga oʻxshagan sportchilar kelgusida jamiyatdagi gender haqsizlikka qarshi qaratilgan bir qancha loĭihalarning asosiy yuzi boʻlishini aytgan.

“Parijda Oʻzbekiston milliy olimpiya terma jamoasi aʼzolari bilan ham suhbatlashdik, masʼuliyatli bahslar oldidan ularga muvaffaqiyat tiladik. Oʻzaro uchrashuvimiz chogʻida Diyora Ijtimoiy himoya milliy agentligi bilan hamkorlikda oilalarda ayollarga nisbatan uchraydigan zoʻravonlikka, jamiyatdagi gender haqsizlikka qarshi qaratilgan bir qancha loyihalarni birgalikda amalga oshirish, shu loyihalarning yuzi va ishtirokchisi boʻlish haqidagi taklifimni mamnuniyat bilan qabul qildi”, 

deydi u.

Maʼlumot uchun, hozirda Diyora Keldiyorova Parij Olimpiadasida Oʻzbekiston hisobiga medal qoʻshgan yagona sportchi boʻlib turibdi.