Shahnoza Mirziyoyeva Xalqaro suzish federatsiyasida lavozimga ega boʻldi

“Men uchun ushbu tashkilotning bir qismi boʻlish va Oʻzbekiston manfaatlarini global darajada ilgari surish katta masʼuliyatdir. Bu eʼtirof faqat shaxsan menga emas, balki sportni har qanday sharoit va imkoniyatlardan qatʼi nazar hamma uchun ochiq qilish yoʻlida mehnat qilayotgan jamoamizning ham yutugʻidir.

 

Meni ishonchim komil, Byuro faoliyatida ishtirok etish suv sport turlarini rivojlantirishga eʼtiborni oshirishga xizmat qiladi va men World Aquatics tarkibidagi barcha sport turlari yanada ommabop boʻlishi, shuningdek oʻzbek sportchilari nomlari jahon arenalarida yanada balandroq yangrashi uchun barcha kuch-gʻayratimni berishga tayyorman", — deb yozdi Mirziyoyeva ijtimoiy tarmoqdagi sahifasida.

Maʼlumot uchun Shahnoza Mirziyoyeva hozirgi vaqtda Oʻzbekiston paralimpiya qoʻmitasi raisi oʻrinbosari boʻlish bilan birgalikda Ijtimoiy himoya milliy agentligi direktorining birinchi oʻrinbosari lavozimida ham faoliyat yuritib kelmoqda.