“Zudlik bilan to‘xtang“ – Tramp Eron va Isroildan o‘t ochmaslikni so‘ramoqda

AQSH prezidenti Donald Tramp Eron va Isroil o‘rtasidagi zarbalar almashinuvini to‘xtatishga chaqirdi. Chunki bu hujumlar uning diplomatiya borasidagi sa’y-harakatlariga tahdid solmoqda.

“Isroil va Eron zudlik bilan o‘q otishni to‘xtatishi shart”, — deb yozdi Tramp “Truth Social” sahifasida.

Yakshanba kuni bo‘lib o‘tgan telefon suhbatida Tramp Isroil Bosh vaziri Binyamin Netanyahuga Eronga qarshi javob hujumini boshlamay turishni aytgan.

Netanyahu fikrida qat’iy turibdi

Isroil Bosh vaziri Binyamin Netanyahu mamlakat rahbari zarur bo‘lganda hatto Amerika Qo‘shma Shtatlari Prezidentiga ham “Yo‘q” deya olishi shartligini ta’kidladi.

Xabarlarga ko‘ra, Netanyahu Vashington bilan bo‘lgan oxirgi muloqotda o‘z fikrida sobit turgan.