Gruziya Bosh vaziri nega O‘zbekistonga kelmoqda?

Qayd etilishicha, tashrif dasturi davomida qator ikki tomonlama uchrashuvlar va hukumatlararo qo‘shma komissiya yig‘ilishini o‘tkazish, sanoat korxonalari faoliyati bilan tanishish va boshqalar o‘rin olgan. 

Bosh vazirning O‘zbekistonga kelishi arafasida Qishloq xo‘jaligi vazirining o‘rinbosari Q. Yuldashev boshchiligidagi delegatsiyaning rasmiy tashrif bilan Gruziyaga bordi. 

Delegatsiya u yerda Gruziya Atrof-muhit va qishloq xo‘jaligi vaziri D. Songulashvili, shuningdek, Qishloq xo‘jaligi ilmiy-tadqiqot markazi, Vinochilik milliy agentligi, Choy va Funduk yetishtiruvchilar uyushmalari rahbarlari bilan uchrashuvlar o‘tkazgan. 

"Shuningdek, tashrif doirasida kengaytirilgan muzokaralar o‘tkazilib, uzumchilik, vinochilik, ipakchilik, zaytun va funduk plantatsiyalarini tashkil etish, shuningdek, qishloq xo‘jaligi sohasida kadrlar tayyorlash va qayta tayyorlash masalalari muhokama etildi", deyiladi Qishloq xo‘jaligi vazirligi matbuot xizmati tomonidan berilgan xabarda.

Qo‘shimcha qilinishicha, tashrif yakunida ikki davlat o‘rtasida qishloq xo‘jaligi sohasidagi hamkorlikni rivojlantirish bo‘yicha bir qator kelishuvlarga erishilgan.