O‘zbekistonda 130 ta obyekt madaniy meros ro‘yxatiga kirishi mumkin

Qaror loyihasiga ko‘ra, inshootlar ichida masjidlar, muzeylar, turarjoy binolari va ta’lim muassasalari mavjud. Jumladan, Shota Rustaveli va Beshag‘och ko‘chalaridagi tarixiy binolar, Pavel Benkov nomidagi Respublika maxsus san’at maktabi majmuasi, shuningdek, San’atshunoslik ilmiy-tadqiqot instituti binosini ham ro‘yxatga olish masalasi ko‘rib chiqilmoqda.

Loyiha izohida qayd etilishicha, ushbu tashabbusdan asosiy maqsad — xalq mulki hisoblangan madaniy meros obyektlarini muhofaza qilish va ularni davlat nazoratida saqlash. Shuningdek, tarixiy va me’moriy ahamiyatga ega inshootlarni tizimlashtirish, ularni ro‘yxatdan o‘tkazish va ularning qadriyatlarini asrash uchun zarur shart-sharoit yaratish vazifasi ham qo‘yilgan.