Adliya vazirligi "jins" bilan bogʻliq xabarlarga munosabat berdi

Munosabatda aytilishicha, qonunchilikka muvofiq bolaning tugʻilishini qayd etish vaqtida jinsiga oid maʼlumotlar tibbiyot muassasasi tomonidan beriladigan tibbiy guvohnoma asosida yoziladi.

"Biroq har yili oʻrtacha 5-6 nafar bola jinsi noaniq holatda tugʻilishi holati uchrab turadi, bunda dastlabki tekshiruvlar bolaning jinsini "oʻgʻil" yoki "qiz" deb koʻrsatsa-da, keyinchalik bola 5-10 yosh, ayrim holatlarda esa 10-16 yoshdan oshganda bolaning jinsi "oʻgʻil" emas "qiz" ekanligi yoki aksincha "qiz" emas "oʻgʻil" ekanligi aniqlanmoqda", deyiladi Adliya vazirligi munosabatida. 

Vazirlikka koʻra, jinsga oid maʼlumotlar tibbiyomuassasaningng xulosasi bilan oʻzgartirish kiritiladi. 

"Bu kabi holatlarda jinsini tuzatish mumkinligi Oila kodeksining 229-moddasida belgilangan boʻlib, mazkur huquqiy normalar yangi joriy etilmagan, aksincha 1998 yil 1-sentabrdan buyon amalda hisoblanadi", — deyiladi munosabatda. 

Vazirlik Ommaviy axborot vositalaridan bunday holatlarning notoʻgʻri talqin qilinmaslikni soʻradi.

Foto: Lex.uz

Eslatib oʻtamiz, Vazirlar Mahkamasining 2025 yil 12 iyunda Oʻzbekiston Respublikasi hukumatining ayrim qarorlariga oʻzgartirish va qoʻshimchalar kiritish toʻgʻrisidagi qarorida fuqaro jinsini oʻzgartirigan taqdirda ism familyasini oʻzgartirish mumkin ekanligini bayon qilingan edi.