Bitta bilet – bir nechta manzil: “Uzbekistan Airways” qiziqarli shartnoma imzoladi

Kod-sher bitimi – ikki aviakompaniyaning reyslarini birgalikda amalga oshirishiga oid hamkorlik shartnomasidir. Unga ko‘ra, “Air India” aviakompaniyasi o‘zining AI kodini “Uzbekistan Airways” reyslariga joylashtiradi va “Uzbekistan Airways” ham HY kodini hind kompaniyasinikiga yuklaydi.

Natijada yo‘lovchilar har ikki aviatashuvchi tarmog‘i bo‘ylab sayohat qilish uchun yagona chipta xarid qilish imkoniga ega bo‘ladi. Asosiy qulaylik shundaki, ular bir nechta chipta band qilmasdan yoki qayta ro‘yxatdan o‘tmasdan turli yo‘nalishlar bo‘ylab bemalol parvoz qilishlari mumkin.

2026-yil 31-martda e’lon qilingan ushbu hamkorlik ikkala aviakompaniyaning Osiyo, Yevropa va Markaziy Osiyo bo‘ylab qamrovini kengaytirishga xizmat qiladi.