Аyolga shahvoniy shilqimlik qilgan patronaj xodimi 5 sutkaga qamaldi

Qashqadaryo viloyatining Dehqonobod tumanida bemor ayolga nisbatan shahvoniy shilqimlik qilgan 49 yoshli patronaj xodimiga maʼmuriy qamoq jazosi tayinlandi. Hodisa 24 sentyabrь kuni sodir boʼlgan. Maʼlum qilinishicha, tibbiyot xodimi ayolning uyiga ukol qilish uchun borgan. Muolajadan keyin ayolning aytishicha, u nomaqbul harakatlar sodir etgan va jinsiy aloqa qilishni taklif qilgan.

Sud majlisida erkak oʼz aybini tan olmagan.

Sud uni Maʼmuriy javobgarlik toʼgʼrisidagi kodeksning 41¹-moddasi 1-qismida nazarda tutilgan huquqbuzarlikni sodir etganlikda aybli deb topib, 5 sutka maʼmuriy qamoq jazosini tayinlagan.

Muallif: Hasanboy OCHUN