Madinada emas, Oʻzbekistonda daraxt ekish kerakmi?

Unga koʻra, ijtimoiy tarmoqlarda "Madina shahrida xurmo ekib, savob oling" mazmunidagi pul evaziga biror shaxs nomidan koʻchat ekish vaʼda qilinayotgan videolar aylanmoqda. Ayrim fuqarolarimiz tomonidan pul oʻtkazilganligi va ularning nomidan xurmo koʻchatlari ekilayotgani ham tasvirlari ham tarqalmoqda.

Partiya rahbari bunday tashabbuslar nega boshqa mamlakatda amalga oshayotganligini aytib, "nima uchun oʻz mablagʻlarimizni oʻzga yurtning obod boʻlishi, begona odamlarning qulay sharoitda yashashga sarflashimiz kerak?", degan savolni oʻrtaga tashladi.

"Daraxt ekish ezgu amal, bunga hech bir eʼtiroz yoʻq. Ammo shu ishni vatanimizda, ota onamiz, yaqinlarimiz, qolaversa, kelajak avlodlarimizga nafi tegadigan joyda qilish toʻgʻri emasmi?! Eng yomoni, bunday paytda firibgarlar ham "otini qamchilaydi". Madinada daraxt ekish bahonasida yigʻilgan pullar firibgarlar qoʻlida yoʻq boʻlib ketish ehtimoli ham katta", deydi Ekologiya partiya fraksiyasi rahbari Abdushukur Xamzayev

Uning aytishicha, mamlakatda amalga oshirilayotgan "Yashil makon" umummiliy loyihasi yurtni obod qilish, choʻllanishga qarshi kurashish maqsadida 200 million tub koʻchat ekilgan. Ammo bu loyihada fuqarolarning faolligi, jonkuyarligi boʻlmas ekan bu maqsadga erishish oson boʻlmaydi.

Xoʻsh, Ekologiya pariyasi rahbari soʻz ochgan "Yashil makon" loyihasi oʻz vaifasini bajarmoqdami?

Bosh prokuratura 2024 yilning 10 iyunda eʼlon qilingan qilingan hisobotga koʻra, "Yashil makon" umummiliy loyihasi doirasida 541 holatda amalda ekilmagan 1 milliondan ziyod koʻchatlar qoʻshib yozilganligini aniqlagan edi. Shuningdek, 441 ta holatda esa, 580 ming tup koʻchat sugʻorish tizimi mavjud boʻlmagan joylarga ekilgan. 

Bundan tashqari,  oʻtgan yilning 11 iyul oyida Jizzax viloyati Sharof Rashidov tumani obodonlashtirish boshqarmasi tomonidan "Yashil makon" umummilliy loyihasi doirasida koʻchatlarni sotib olishda 446 mln soʻmlik byudjet mablagʻlari talon-toroj qilinganligi holatlari aniqlangan edi. 

Partiya rahbarining taʼkidlashicha, “yashil makon” umummilliy loyihasi doirasida ekilgan daraxtlarni saqlab qolish boʻyicha yetarlicha choralar koʻrilmayapti, daraxtlar kesilishiga muddatsiz moratoriy eʼlon qilinishiga qaramasdan daraxt kesish holatlari toʻxtamayapti.