Toshkent metrosida yana 2 ta bekat ishga tushadi

Qayd etilishicha, Toshkent metrosining Yerusti halqa yoʻlining II bosqichi doirasidagi Quruvchilar dahasidan Sergeli mavzesiga qadar qurilayotgan ikkita yangi metro bekatlarida (“Turon” va “Qipchoq”) qurilish ishlari oʻz yakuniga yetkazilib, sinov tariqasida (yoʻlovchilarsiz) poyezdlar harakati yoʻlga qoʻyilgan.

Sinov jarayonlari muvaffaqiyatli yakunlanib, ushbu bekatlar joriy yilning 11 mart sanasidan boshlab ertalabdan odatiy reja asosida yoʻlovchilar uchun xizmat koʻrsatishni boshlaydi.

“Bundan tashqari, yoʻlovchilarga qulay xizmat koʻrsatish uchun metro vagon parklariga soʻnggi vaqtlarda 24 ta metro vagoni olib kelingan boʻlsa, bugun yana 12 ta metro vagoni Toshkent shahriga kirib keldi. Shuningdek, may oyi soʻngiga qadar yana 20 ta zamonaviy metro vagonlari olib kelish ham rejalashtirilgan”, deyiladi xabarda.