Xiva — National Geographic talqinida 2026 yil uchun eng yaxshi sayohat yoʻnalishlaridan biri

Nashrda taʼkidlanishicha, «Samarqand va Buxoro mashhurlik choʻqqisida boʻlsa, Xiva oʻtmishga yanada haqiqiy va xotirjam sayohatni taklif etadi». Shuningdek, yoz mavsumida Toshkentdan Xivaga yoʻlga chiqadigan tezyurar poyezd qatnovi sayohat vaqtni ikki baravar qisqartishi kutilmoqda.

National Geographic Xivani nafaqat Oʻzbekistonning muhim madaniy markazi, balki Buyuk Ipak yoʻlida joylashgan “ochiq osmon ostidagi muzey” va “Ipak yoʻlining durdonasi” sifatida eʼtirof etdi.

Manba maʼlumotiga koʻra, shaharda infratuzilmani rivojlantirish boʻyicha yirik loyihalar amalga oshirilmoqda. Xususan, 2026 yil kuzida Toshkent–Samarqand–Buxoro–Xiva yoʻnalishi boʻyicha yuqori tezlikdagi poyezd qatnovi yoʻlga qoʻyiladi, Urganch xalqaro aeroporti esa zamonaviy talablar asosida rekonstruksiya qilinmoqda.