Zelenskiy Rossiya tomonida jang qilayotgan oʻzbekistonliklar haqida gapirdi

Uning bu bayonoti Vovchansk yoʻnalishida jang qilayotgan Ukraina harbiylari bilan uchrashuvdan soʻng yozib qoldirgan.

“Dronlar bilan taʼminlash va ularni qoʻllash, rekruting va brigadalarni toʻgʻridan-toʻgʻri moliyalashtirish masalalarini alohida koʻtardik. Bu yoʻnalishdagi jangchilar Xitoy, Tojikiston, Oʻzbekiston, Pokiston va Afrika mamlakatlaridan kelgan yollanma askarlarning urushdagi ishtirokini qayd etmoqda. Munosabat bildiramiz”, — deya yozadi Ukraina prezidenti.

Shuningdek, prezident Telegram kanalidagi postida mudofaadagilarni davlat mukofotlari bilan taqdirlagani, bu yerda boʻlish oʻzi uchun sharaf ekanligi haqida yozadi. U oʻz harbiylariga kurashayotgani hamda xizmat qilayotgani uchun rahmat aytgan.

Eslatib oʻtamiz, avvalroq Ukraina razvedkasining “yashashni xohlayman” loyihasi 2025 yil boshida shu davrga qadar Rossiya 902 nafar oʻzbekistonlikni urushga yollagani hamda Ukrainada 33 davlat fuqarolari asirlikda ekanligi aytilgan edi. Asirlar orasida fuqarolarining soni boʻyicha Oʻzbekiston yetakchilik qilayotgani haqida xabar bergan edik.