5 кунда минг кишини ўлдирган «Ал Фашир қассоби» қўлга олинди

Судандаги қирғинларнинг асосий ташкилотчиларидан бири, «Ал Фашир қассоби» лақабли Абу Лулу ҳибсга олинди ва қамоқхонага жойлаштирилди.

Жаҳон

01.11.2025, 09:44

Lotinchada

Улашиш:

Суданда 2024 йил май ойидан бери қаттиқ қамалда турган Ал Фашир шаҳри яқинда Бирлашган Араб Амирликлари (БАА) томонидан қўллаб-қувватланаётган HDK (Ҳизли Дастак Кучлари) кучлари томонидан эгалланди. 26 октябр куни амалга оширилган ҳужумлардан сўнг шаҳар устидан тўлиқ назорат ўрнатилди ва ортидан оммавий қирғинлар бошланди.

Судан армиясининг муҳим таянчи бўлган Ал Фаширни HDK босиб олгач, шаҳарда тинч аҳолига қарши ваҳшиёна ҳаракатлар содир этилгани ҳақида хабарлар тарқаган. Гувоҳларнинг сўзларига кўра, эркаклар ўққа тутилган, аёллар эса асирга олинган. Маълумотлар чекланган бўлишига қарамай, ҳозирча камида 2 минг киши ўлдирилганлиги ҳақида хабарлар мавжуд.

Судандаги фуқароларга қарши қирғинлар ортида турганлардан бири сифатида танилган, «Абу Лулу» лақабли Фатих Абдулла Идрис ҳақида янгича тафсилотлар пайдо бўлди. Ижтимоий тармоқларда тарқалган қатл видеоларида кўп марта кўрсатилган ва Ал Фаширдаги шафқатсизликларнинг рамзига айланган Абу Лулу ниҳоят қўлга олинди.

Судан ОАВларига кўра, у «Ал Фашир қассоби» сифатида машҳур бўлиб ҳозирда қамоқхонага юборилган.

HDK матбуот котиби Ал-Фатих Курейши маълум қилишича, Абу Лулунунг ҳибсга олиниши юқори қўмондонликнинг бевосита кўрсатмаси асосида амалга оширилган.

Тергов жараёнида аниқланишича, Абу Лулу бир видеоёзувда фақат Ал Фаширнинг ўзида минг кишини ўлдирганини фахр билан айтган.

Жаҳон

01.11.2025, 09:44

Улашиш:

#қамоқхона #судан #қотил

мавзуга оид янгиликлар