Андижондаги 40-ихтисослаштирилган мактабгача таълим муассасасидаги имкониятлар (фоторепортаж)

Пресс-тур давомида Андижон шаҳридаги 40-ихтисослаштирилган мактабгача таълим муассасасида тарбияланаётган 3 ёшдан 7 ёшгача бўлган болаларга яратилган шароитлар ва имкониятлар билан яқиндан таништирилди.

Мазкур, муассаса қошида кундузги қатнов асосида ташкил этилган "Ғамхўрлик" гуруҳи фаолиятига ҳам алоҳида эътибор қаратилди.

Ушбу турдаги кундузги гуруҳларнинг яна бир муҳим жиҳати шундаки, бунда чуқур ақли заиф болаларни парваришлаш, имконияти даражасида соғломлаштириш ҳаракатларидан ташқари ота-оналарни болалар қаровидан озод қилган ҳолда уларнинг бандлигини таъминлаш, даромадларини яхшилаш, энг асосийси ижтимоий-иқтисодий томонлама оилаларнинг жамиятдаги фаоллигини оширишни ўз ичига олади.

"Ғамхўрлик" гуруҳи фаолияти жисмоний, ақлий, сенсор ёки руҳий нуқсонлари мавжуд, бироқ соғлиғининг ҳолатига кўра алоҳида таълимга эҳтиёжи бўлган 3 ёшдан 7 ёшгача бўлган болалар учун қисқа муддатли парваришлаш ва тарбия беришга қаратилган.

"Вазирлар Маҳкамасининг 46-сонли қарори асосида муассасамизда жорий йилнинг август ойидан яна битта “ғамхўрлик” гуруҳи ташкил этилган. Ҳозирги вақтда мактабгача таълим ташкилотимизда 11 та гуруҳ мавжуд. Ҳозир бу ер 120 ўринга мўлжалланган. Ҳозирги вақтда муассасамизда 117 нафар бола тарбияланмоқда", Норматова Одина 40-ихтисослашган мактабгача таълим ташкилоти услубчиси.  

Foto: Норматова Одина 40-ихтисослашган мактабгача таълим ташкилоти услубчиси.  

Унинг айтишича, 40-сонли ихтисослаштирилган мактабгача таълим ташкилотига болалар керакли мутахассислар кўригидан ўтиб, уларнинг хулосалари билан “Инсон” ижтимоий хизматлар марказига ариза топшириш орқали қабул қилинади.

Маълум бўлишича, Андижон вилояти бўйлаб жами 6 та мазкур турдаги кундузги хизматлар йўлга қўйилган. Ҳозирги кунга келиб мактабгача таълим муассасаларидаги ушбу гуруҳлар етарлича эҳтиёжманд оилаларнинг фарзандларини қамраб олинмоқда.