Доналд Трамп: “Эрдўған жуда тўғри иш қилди”

У жумладан шундай деди:

«Президент (Ражаб Тоййиб) Эрдўған ҲАМАС ва бошқа гуруҳлар билан боғлиқ масалаларни шахсан назорат қилди ва жуда тўғри иш қилди».

Оқ уйдаги ҳукумат йиғилишида Трамп Ғазодаги келишув ва оташкесим ҳақида фикр билдирди.

Президентнинг таъкидлашича, Ғазода оташкесимнинг кучга кириши Яқин Шарқдаги тинчлик йўлида тарихий воқеа ҳисобланади. У бу келишув минтақада тинчлик олиб келишига ишонч билдирди.

Трамп айниқса Туркия, Қатар ва Миср давлатларига бу жараёндаги катта ҳиссаси учун миннатдорлик изҳор этди:

«Бу ажойиб натижага эришишда ёрдам бергани ва бизга кўмаклашгани учун Туркия, Қатар ва Миср раҳбарларига катта миннатдорлик билдираман», — деди у.

Трамп шунингдек, Ғазодаги «уруш»га барҳам берилганини таъкидлаб, кенг кўламли тинчликка йўл очилганини қўшимча қилди:

«Менимча, бу тинчлик доимий бўлади, умид қиламан, абадий давом этади».

Трамп расмий келишувни имзолаш учун Мисрга сафар қилишини ҳам маълум қилди. Унинг сўзларига кўра, асирлар душанба ёки сешанба куни озод этилади.