Дам олиш кунлари қандай об-ҳавода ўтиши айтилди

Қорақалпоғистон Республикаси ва Хоразм вилоятида ҳаво бироз булутли бўлади, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 13 октябрда 3-8 даража илиқ, 14-15 октябрда 0-5 даража илиқ, Устюртда 2 даража совуқ – 3 даража илиқ, кундузи 10-15 даража бўлади. 

Бухоро ва Навоий вилоятларида ҳаво бироз булутли бўлади, 13 октябрда баъзи жойларда ёмғир ёғади. 14-15 октябрда ёғингарчилик кутилмайди. Ғарбий шамол йўналишини ўзгартириб, шарқдан 7-12 м/с тезликда эсади. Ҳарорат кечаси  13 октябрда 8-13 даража, 14-15 октябрда 5-10 даража, кундузи 13-14 октабрда 17-22 даража; 15 октабрда 14-19 даража; Навоий вилоятининг шимолида кечаси 13 октябрда 3-8 даража илиқ, 14-15 октабрда 0-5 даража илиқ, кундузи 10-15 даража бўлади. 

Тошкент, Сирдарё, Жиззах ва Самарқанд вилоятларида ҳаво бироз булутли бўлади, 13-14 октабрда баъзи жойларда ёмғир ёғади. 15 октябрда ёғингарчилик кутилмайди. Ғарбий шамол йўналишини ўзгартириб, шарқдан 7-12 м/с тезликда эсади, 13 октябрда баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин. Ҳарорат 13 октябрда кечаси 10-15 даража, кундузи 17-22 даража; 14 октябрда кечаси 8-13 даража, кундузи 15-20 даража; 15 октябрда кечаси 8-13 даража, кундузи 13-18 даража бўлади. 

Қашқадарё ва Сурхондарё вилоятларида ҳаво бироз булутли бўлади, ёғингарчилик кутилмайди, фақат 14 октябрда Қашқадарё вилоятида баъзи жойларда ёмғир ёғади. Ғарбий шамол йўналишини ўзгартириб, шарқдан 7-12 м/с тезликда эсади, 13 октабрда баъзи жойларда 13-18 м/с гача кучайиши, айрим жойларда чанг-тўзонлар билан кузатилиши мумкин. Ҳарорат 13 октябрда кечаси 13-18 даража, кундузи 22-27 даража; 14-15 октябрда кечаси 10-15 даража, кундузи 20-25 даража бўлади. 

Андижон, Наманган ва Фарғона вилоятларида ҳаво бироз булутли бўлади, баъзи жойларда ёмғир ёғади. Шамол ғарбдан 5-10 м/с тезликда эсади. Ҳарорат кечаси 10-15 даража, кундузи 13 октабрда 20-25 даража, 14-15 октабрда 15-20 даража бўлади. 

Республиканинг тоғ олди ва тоғли ҳудудларида ҳаво бироз булутли бўлади, баъзи жойларда ёмғир ёғади, айрим жойларда кучли ёмғир ёғиши, баланд тоғли ҳудудларда қорга айланиши мумкин. Шамол ғарбдан 7-12 м/с тезликда эсади, 13-14 октябрда баъзи жойларда 13-18 м/с гача кучайиши мумкин. Ҳарорат 13 октябрда кечаси 5-10 даража, кундузи 10-15 даража, 14 октабрда кечаси  5-10 даража, кундузи 8-13 даража, 15 октябрда кечаси 0-5 даража илиқ, кундузи 5-10 даража бўлади.