Apple қайси қурилмалари нархини оширди ва бунинг сабаби нима?

Apple 26 июнь куни iPad ва MacBook нархларини оширди. Бунга сунъий интеллект (СИ) саноатида маълумотлар марказларининг жадал кенгайиши туфайли хотира ва маълумотларни сақлаш чиплари нархининг кескин ошиб кетгани асосий сабаб сифатида кўрсатилмоқда.

Компания мижозларини бу ўзгаришлардан ортиқ ҳимоя қила олмаслигини маълум қилди.

Ушбу қадам Apple'нинг асосий даромад манбаи бўлган iPhone'га таъсир қилмайди. Аммо арзон Windows ва Chromebook ноутбукларидан бозор улушини тортиб олишга қаратилган компаниянинг энг ҳамёнбоп ноутбуки – Neo'нинг бошланғич нархи 599 доллардан 699 долларга кўтарилади.

Янгиланган Нархлар

Apple ўз веб-сайтида эълон қилган янгиланган рўйхатга кўра, нархлардаги асосий ўзгаришлар қуйидагича:

Шунингдек, Apple HomePod ақлли карнайининг иккала версияси ҳамда Apple TV қурилмалари нархини ҳам оширди. 

Хабарлар ортидан компания акциялари деярли 5% га, унинг асосий рақобатчиси бўлган Dell акциялари эса 8% дан кўпроққа пасайди. 

Саноатдаги инқироз 

Micron каби хотира ишлаб чиқарувчилари сўнгги ойларда Nvidia ва бошқа СИ чипларини ишлаб чиқарувчиларнинг буюртмаларига кўпроқ аҳамият беришни бошлаган. 

Бу хотира қурилмалари заводларига рекорд даражада фойда келтирмоқда, бироқ электроника ишлаб чиқарувчилари учун кам захира қолмоқда. Оқибатда уларда нархларни оширишдан бошқа чора йўқ. 

"Биз ҳеч қачон бутловчи қисмлар нархининг бундай тез ошганини кўрмаганмиз," – дейилади Apple расмий баёнотида. "Шу пайтгача мижозларимизни бу ўсишлардан ҳимоя қилиб келдик, аммо энди iPad ва Mac каби қатор маҳсулотларимиз нархларини оширишни бошлашимиз керак." 

Харажатларнинг ўсиши қурилмалар бозорига жуда оғир таъсир қилади. Натижада жорий йилда тарихдаги энг катта пасайиш кузатилиб, смартфонлар бозори салкам 14 фоизга, компьютерлар бозори эса 11,3 фоизга қисқариши мумкин. 

Кутилаётган оқибатлар

Таҳлилчилар кузатувига қараганда, тез орада iPhone нархлари ҳам ошади. 

MacBook Neo ҳамёнбоплигини йўқотмоқда. Март ойида сотувга чиқарилган ва Apple савдоларини қутқариб қолган $599 лик MacBook Neo эндиликда қимматлашгани ҳисобига Dell ўтган ой тақдим этган $699 лик XPS 13 моделига нисбатан нарх устунлигини йўқотди. 

Қолаверса, у Lenovo ва Asus каби ишлаб чиқарувчиларнинг баъзи Chromebook моделларидан ҳам қимматроқ қурилмага айланди.