Apple сентябрда “iPhone Ultra” букламафонини намойиш этади

Apple 9-сентябрь куни ўзининг энг сўнгги iPhone моделини тақдим этади. Ушбу қурилма iPhone Ultra номли букланадиган телефон бўлиши кутилмоқда.

Технология гиганти букламафонлар бозорига илк бор қадам қўймоқда.

Янги модел иккита экран билан жиҳозланган:

— китоб каби очиладиган 19,8 сантиметрли ички экран;
— смартфондан одатдагидек фойдаланиш учун 13,5 сантиметрли ташқи дисплей.

Шунингдек, қурилмада тўртта — иккитаси орқа панелда, биттаси ички ва биттаси олд селфи камераси бўлади.

iPhone Ultra асимметрик бурчакларга эга бўлиши ҳақида ҳам гап-сўзлар тарқалган.

Ҳозирда Samsung букламафонлар бозорида етакчи. Huawei, Google ва Motorola каби рақобатчилар эса бир қатор муқобил вариантларни таклиф этмоқда.

Таҳлилчиларнинг фикрича, Apple iPhone Ultra билан бозорга кирган заҳоти устунликка эришади. Компаниянинг кўп ойна́ли ва катта экранли дастурий таъминот бўйича узоқ йиллик тажрибаси бунга яхши замин яратади.

Шунингдек, тадбирда Apple Watch Series 12, Apple Watch Ultra, iPad mini 8, AirPods Pro ҳамда Apple TV ва HomePod mini учун янгиланишлар тақдим этилиши кутилмоқда.