Нақдсиз тўловлар: уй ва авто савдоси кескин пасайди

Марказий банк маълумотларига кўра, апрель ойида:

• кўчмас мулк олди-сотди битимлари 43,6 мингтадан 13,6 мингтага тушиб, 3,2 баробарга қисқарди;
• автотранспорт савдоси эса 93,6 мингтадан 19,7 мингтагача камайиб, 4,7 баробар пасайди.

Таҳлилларга кўра, март ойида аҳоли янги тартиб кучга киришидан олдин уй ва автомобилларини сотишга шошилгани сабаб бозорда рекорд фаоллик кузатилган.

Қайд этилишича, апрелдаги кўчмас мулк савдоси ҳажми пандемия бошланган 2020 йил апрелидан бери энг паст кўрсаткичлардан бири бўлди. Автомобил бозоридаги пасайиш ҳам COVID давридан кейинги энг паст даража бўлган.