Эрон ТИВ раҳбари Исроил билан яқинлашаётган давлатларни огоҳлантирди

Аракчи X тармоғида:
“Буюк Эрон халқига душманлик қилиш — аҳмоқона таваккалчилик. Исроил билан тил бириктирганлар жавобгарликка тортилади”, — деб ёзди.

Бундан олдин Исроил томони Нетаньяхунинг Бирлашган Араб Амирлиги президенти шайх Муҳаммад бин Заид билан учрашганини маълум қилган эди. CBS News маълумотига кўра, учрашув март ойи охирида бўлиб ўтган.

Бироқ БАА ТИВи ушбу хабарларни рад этиб, Исроил билан муносабатлар “Иброҳим келишувлари” доирасида очиқ шаклда олиб борилишини билдирди.

Шу билан бирга, The Wall Street Journal БАА ҳарбий авиацияси Эрондаги айрим нишонларга яширин зарбалар бергани ҳақида хабар тарқатди. Нашрга кўра, ҳужумлар орасида Лаван оролидаги нефтни қайта ишлаш объекти ҳам бўлган.