АҚШ Яқин Шарқ иттифоқчиларига 8,6 млрд долларлик қурол сотишни маъқуллади

Reuters агентлиги маълумотига кўра, қарор АҚШ президенти Доналд Трамп маъмурияти томонидан қўлланилган фавқулодда процедура асосида қабул қилинган. Бу тартиб битимларни Конгресс тасдиғисиз амалга ошириш имконини беради.

АҚШ давлат котиби Марко Рубио мазкур қарорни Эрон билан боғлиқ ҳарбий зиддият туфайли юзага келган “кечиктириб бўлмайдиган зарурат” билан изоҳлади.

Шартнома тафсилотлари

Қатар:
Энг йирик пакет айнан Қатар ҳиссасига тўғри келади. Мамлакат 4 миллиард долларлик Patriot missile system ракеталари ва уларга техник хизматларни, шунингдек 992,4 миллион долларлик APKWS юқори аниқликдаги йўналтириш тизимларини сотиб олади.

Қувайт:
Қувайт учун 2,5 миллиард долларлик жанговар ҳаракатларни бошқаришнинг интеграциялашган тизими маъқулланди.

Исроил ва БАА:
Исроил 992,4 миллион долларлик, Бирлашган Араб Амирлиги эса 147,6 миллион долларлик APKWS тизимларини харид қилади.