Россиянинг сўнгги зарбалари оқибатида Киевда уч киши ҳалок бўлди

8 август куни Россия зарбалари оқибатида Украина пойтахтининг шимоли-шарқида уч киши, жумладан, бир бола ҳалок бўлди, деб хабар берди вилоят ҳарбий расмийси.

Сўнгги ойларда Москва Украина пойтахтига ҳужумларини сезиларли даражада кучайтирди. Одатда, тутиб қолиш қийин бўлган баллистик ракеталар билан қисқа муддатга шиддатли зарбалар уюштирилади. Бундай пайтда портлаш овозлари бутун шаҳар бўйлаб акс-садо беради.

“Киевнинг шимоли-шарқидаги Бровари туманига берилган зарбалар натижасида уч киши, жумладан, бир бола ҳалок бўлди, яна уч киши жароҳатланди”, — деб ёзди вилоят ҳарбий маъмурияти раҳбари Тимур Ткаченко Telegram-каналида.

Унинг сўзларига кўра, ҳужум оқибатида тушган ракета қолдиқлари уйлар ва машиналарга шикаст етказиб, нотурар жой биносида ёнғин келтириб чиқарган.

Пойтахт ичида бўлган AFP агентлари ўнлаб портлаш овозларини эшитган, айни пайтда Украина Ҳарбий-ҳаво кучлари “шимолдан баллистик қуроллар қўлланилиши хавфи” ҳақида огоҳлантирган.

“Киевда баллистик ракеталар қўлланилиши хавотири туфайли ҳаво ҳужуми хавфи эълон қилинди”, — дея хабар берди шаҳар ҳарбий маъмурияти аҳолини бошпаналарга яширинишга чақириб.