Тошкентликларга занглаган иссиқ сув учун тўловни қайта ҳисоблаш тартиби тушунтирилди

«Veolia Energy Tashkent» компанияси пойтахт аҳолисига паст сифатли иссиқ сув — жумладан, сувда занг пайдо бўлган ҳолатлар учун тўловни қайта ҳисоблаш мумкин бўлган шартларни тушунтирди.

Компания матбуот хизмати маълум қилишича, бундай ҳолатларда фуқаролар қуйидаги рақамлар орқали мурожаат қилиши мумкин:
1347, (71) 200-00-56
ёки Telegram орқали: t.me/VeoliaOperativMarkazi

Текширув қандай ўтказилади?

Мурожаат рўйхатдан ўтказилгандан сўнг, компания мутахассислари бошқарувчи компания, ТСЖ ёки уй бошқарувчиси вакиллари билан биргаликда уйларни кўздан кечиради ҳамда техник текширув ўтказади.

Агар текширув натижасида сув сифати ёмонлашишига ташқи тармоқлар сабаб бўлгани аниқланса, тўловни қайта ҳисоблаш масаласи белгиланган тартибда кўриб чиқилади.

Қайта ҳисоблаш учун асос бўлиб компания ва истеъмолчи томонидан имзоланган акт хизмат қилади. Ушбу ҳужжатда аниқланган муаммо ва унинг давомийлиги кўрсатилади. Кейин акт туман ҳокимлиги ҳузуридаги тегишли бошқармага юборилади ва шу ерда қайта ҳисоблаш амалга оширилади.

Туман бошқармалари телефон рақамлари

Чилонзор тумани: (71) 278-40-12, (71) 278-40-54, (78) 129-01-34
Мирзо Улуғбек тумани: (71) 267-12-26, (71) 268-32-07, (78) 129-01-38, (78) 129-01-41
Миробод тумани: (71) 291-80-96, (71) 299-59-60, (78) 129-01-32
Олмазор тумани: (78) 129-01-55
Сергели (Янги ҳаёт) тумани: (71) 258-09-95, (78) 129-01-53
Учтепа тумани: (71) 275-05-73, (78) 129-01-60
Шайхонтоҳур тумани: (71) 249-45-99, (78) 129-01-44
Яккасарой тумани: (71) 255-71-81, (78) 129-01-49
Яшнобод (Бектемир) тумани: (71) 296-35-02, (78) 129-01-58
Юнусобод тумани: (71) 221-04-12, (71) 220-42-43, (78) 129-01-46