Луврдан 7 дақиқа ичида қимматбаҳо экспонатлар ўғриланди

Франция пойтахтидаги Лувр музейида содир бўлган ўғирлик бўйича тергов ишлари давом этмоқда. Ички ишлар вазирлиги маълумотига кўра, жиноятчилар музейга автоминора лифти ёрдамида ойна орқали киришган. Барча ҳаракатлар етти дақиқа давом этган. Натижада Иккинчи империя даврига тегишли тақинчоқлардан иборат тўққизта экспонат ўғриланган.

Ўғриланган буюмлар орасида қуйидагилар бор эди:
– Наполеон I нинг рафиқаси Мария Луизадан қолган бой тақинчоқлар;
– Франция қироли Луи-Филипп I нинг рафиқаси Мария Амалия ҳамда Наполеон III нинг онаси Гортензия Богарнега тегишли бўлган маржонлар, сирғалар ва диадема;

Наполеон III нинг рафиқаси, қиролича Евгениянинг диадемаси

– қироличаЕвгениянинг иккита броши, корсаж банти ва диадемаси.

Франция қироли Луи-Филиппнинг рафиқаси Неаполлик Мария Амалиянинг маржонлари

Шу билан бирга, жиноятчилар коллекциядаги энг ноёб тош — 140 каратли «Регент» олмосига тегмаган.

Қиролича Евгениянинг олмос тақинчоғи.

Бундан ташқари, музей яқинидан Наполеон IIIнинг рафиқаси қиролича Евгения Богарне тожи топилган. Ўғирлар уни нега ташлаб кетгани ҳозирча маълум эмас.

"Регент" олмоси.

Лувр 20 октябрь куни соат 9:00 (Париж вақти билан) меҳмонларни қабул қилишни қайта бошлайди, аммо айрим заллар вақтинча ёпиқ бўлади. Ҳозирги вақтда ҳодиса жойида терговчилар иш олиб боришмоқда, қидирувга полиция ва жандармерия бўлимлари жалб қилинган.

Евгения Богарненинг тожи.

Франция ички ишлар вазири Лоран Нуньеснинг таъкидлашича, ўғриланган ашёлар катта тарихий қийматга эга ва у тергов натижа беришига ишонч билдирган.