Аббос Ароқчи Владимир Путин билан учрашди

Путин Россиянинг Яқин Шарқдаги можаро шароитида Эрон ва минтақанинг барча халқлари манфаатларига хизмат қиладиган ҳамма ишни қилишга тайёрлигини маълум қилди.

У Ислом инқилоби раҳбари Оятуллоҳ Сайид Али Хоманаийдан хат олганини, унда раҳбарга соғлик ва фаровонлик тиланганини қайд этди.

Ўз навбатида, Ароқчи Москвага Теҳронни қўллаб-қувватлагани учун миннатдорчилик билдирди. У икки давлат ўртасидаги муносабатларни юқори баҳолаб, улар янада мустаҳкамланишини таъкидлади.

“Сўнгги воқеалар стратегик шериклигимизнинг нақадар чуқур ва мустаҳкам эканлигини намоён этди. Муносабатларимиз ривожланиб борар экан, биз бирдамлик учун миннатдормиз ва Россиянинг дипломатияга оид саъй-ҳаракатларни қўллаб-қувватлашини олқишлаймиз”, - деди Ароқчи Х платформасидаги саҳифасида.

Ароқчи Эрон халқи жасорати билан АҚШнинг босқинчилик урушига қаршилик кўрсатгани, оғир даврга бардош бера олиши ҳамда буни бутун дунёга исботлаганини айтди. Ва Қўшма Штатлар агрессиясига қарши курашни давом эттиришини қўшимча қилди.

Ароқчи музокаралар олдидан Россия билан Яқин Шарқдаги можарога барҳам бериш борасидаги саъй-ҳаракатларни мувофиқлаштиришни муҳокама қилишини маълум қилди.

Аввалроқ Аббос Ароқчининг Уммонга ташриф буюргани ҳақида хабар бергандик.