updated: 20.03.2026, 21:11

Энди Қашқадарёда ўқувчи ўқитувчиси томонидан калтакланди

Ижтимоий тармоқларда Қашқадарё вилояти Шаҳрисабз туманида жойлашган 33-мактабнинг 5-синф ўқувчисини инглиз тили ўқитувчиси калтаклаб, бурнини қонатгани тасвирланган видео тарқалди. Мазкур воқеага вилоят Мактабгача ва мактаб таълими бошқармаси муносабат билдирди.

Ўзбекистон

10.10.2024, 11:02

Lotinchada

Улашиш:

Endi Qashqadaryoda oʻquvchi oʻqituvchisi tomonidan kaltaklandi

Қайд этилишича, воқеа кеча, 9 октябрь куни соат 10:30 лар атрофида кузатилган. 33-мактабнинг инглиз тили фани ўқитувчиси У.С. (аёл киши) 5-"Б" синф ўқувчиси М.П.га дарсда мактабдаги бошқа ўқувчиларга ҳурматсизлик қилма деб, огоҳлантириш берган.

Сўнг ўқувчи ўқитувчини ҳақоратлаган. Ўқувчининг бу ҳурматсизлиги учун ўқитувчи уни мактабнинг маънавият хонасига олиб боришга уринганда қўли боланинг бурнига тегиб кетиши оқибатида бурун соҳасидан қон келган.

Шундан кейин ўқувчи онасини мактабга олиб келган. Она эса боласига шикаст етказган, инглиз тили ўқитувчиси билан жанжаллашган. Она ва ўқитувчи ўртасидаги жанжални кузатган мактаб директори ҳуқуқ-тартибот органларига мурожаат қилиб, уларни чақирган.

"Ҳозирда ҳолат Шаҳрисабз туман Ички ишлар бошқармаси масъуллари иштирокида ўрганилмоқда. Бундан ташқари, Қашқадарё вилояти Мактабгача ва мактаб таълими бошқармаси бошлиғи топшириғига асосан масъул ходимлар ўқувчи ҳолидан хабар олди. Ўрганишлар якуни юзасидан қўшимча ахборот берилади", дейилади бошқарма изоҳида.

Бундан олдин ҳам жорий йилнинг 23 сентябрь куни Тошкент шаҳар Чилонзор туманида жойлашган 188-сонли умумтаълим мактабида ҳам 6-синф ўқувчиси рус тили дарсида ўқитувчисига гап қайтариб, у билан тортишиб қолган эди. Шунда ўқитувчи ўқувчининг қулоғидан чўзиб, ўтирган партасидан тортиб олиб чиққан ҳамда юзига тарсаки урган эди. Бу ҳолат ижтимоий тармоқларда катта муҳокамаларга сабаб бўлган. Ҳатто Россия амалдорлари ҳам мазкур воқеага Ўзбекистон ҳукуматидан изоҳ сўраган.

Ўзбекистон

10.10.2024, 11:02

Улашиш:

#Қашқадарё

мавзуга оид янгиликлар