Қирғизистонда ўлим жазоси қайта тикланиши мумкин

2 октябрь куни Қирғизистон Республикаси жамоатчилик муҳокамаси порталининг “Фуқаролар таклифлари” бўлимида вояга етмаганларнинг ҳаёти ва жинсий дахлсизлигига қарши ўта оғир жиноятлар учун ўлим жазосини белгилаш ташаббуси эълон қилинди. Бу ҳақда “24.kg” хабар қилди.

Жаҳон

02.10.2025, 14:17

Lotinchada

Улашиш:

Qirgʻizistonda oʻlim jazosi qayta tiklanishi mumkin

Маълум бўлишича, 7 сентябрь куни 2008 йилда туғилган шахснинг жасади Қирғизистоннинг “Жел-Ариқ” қишлоғидан зўрланган ва бўғиб ўлдирилган ҳолда топилган. Бишкекеда гумонланувчи, муқаддам судланган шахс қўлга олинган.

Нашрнинг ёзишича, бу ҳолатни мамлакат президенти Садир Жапаров ўз назоратига олган.

Жапараов Президент Администрациясининг Ҳуқуқий таъминот бўлими мудири Мурат Укушевга болалар, қизлар ва аёлларга нисбатан жиноятлар учун энг оғир жазони назарда тутувчи қонунчиликка ўзгартишлар киритиш лойиҳасини ишлаб чиқишни топширган. Хусусан, бу болаларни зўрлаш, шунингдек, аёлларни зўрлаш ва ўлдириш учун ўлим жазосини жорий этишни ўз ичига олади.

“Алоҳида шафқатсизлик билан содир этилган қотиллик, вояга етмаганни ўлдириш, шунингдек, зўрлаш ёки жинсий характердаги бошқа зўравонлик ҳаракатлари билан боғлиқ қотиллик учун ўлим жазосини белгилаш таклиф этилмоқда”, — дейилади хабарда.

“24.кг”га кўра, ҳозирда сўровномада қатнашганларнинг 63 фоизи мамлакатда ўлим жазосининг қайта тикланишига рози, 23 фоизи эса норози. Қолган 13 фоизи эса мазкур саволга ҳозирда жавоб беришга қийнаётганини маълум қилган.

Мазкур жазо тури Қирғизистонда 2007 йилда бекор қилинган. Қолаверса ўлим жазоси мамлакатда охирги марта 1998 йилда амалга оширилган

Жаҳон

02.10.2025, 14:17

Улашиш:

#Қирғизистон #ўлим жазоси

мавзуга оид янгиликлар