Синоптиклар Россияда рекорд даражадаги қаттиқ қиш кузатилишини прогноз қилмоқда

Россия ҳудудида яқинлашаётган қиш фавқулодда совуқ ва кучли ёғингарчиликлар билан кечиши мумкин. Бу ҳақда “Novosti Mail” хабар берди.

Урал минтақасида ҳарорат –40°C даражагача тушиши, қор бўронлари кузатилиши ва ёғингарчилик 350 миллиметр атрофида бўлиши мумкин.
Красноярск ўлкаси ҳамда Новосибирск вилоятида эса қарийб 900 миллиметргача қор ёғиши, ҳароратнинг –38°C гача пасайиши прогноз қилинмоқда.

Узоқ Шарқ учун ҳам совуқ сценарий кутилмоқда:

• Приморьеда айрим ҳудудларда –35°C,
• Камчатка ва Магаданда –32°C,
• Ёғингарчилик 450 миллиметрдан ошиши,
• Шамол тезлиги сониясига 30 метргача етиши мумкин.

Синоптикларнинг юқори эҳтимолли сценарийсига кўра, келаётган қиш Россияда ўтган йилги мавсумдан анча совуқ бўлади.

Маълумотларга кўра, Скандинавия ҳудудида аллақачон қутбий совуқ оқими шаклланиб, аномал совуқлик тўлқини бошлангани қайд этилган.