Параосиё ўйинлари: Ўзбекистон делегацияси медаллари сони 29 тага етди

Японияда ўтаётган «Аичи–Нагоя–2026» Параосиё ўйинларида Ўзбекистон делегациясининг медаллар ҳисоби яна бойиди. Бу галги баҳсларда бир нафар спортчи кумуш, яна икки нафар ҳамюртимиз бронза медалига сазовор бўлди.

Аёллар ўртасида найза улоқтиришнинг F12/13 классида иштирок этган Ёқутхон Холбекова иккинчи натижани қайд этиб, кумуш медални қўлга киритди.

Эркаклар ўртасида узунликка сакрашнинг T37/T38 классида Содиқжон Мамадиев, ядро улоқтиришнинг F12 классида эса Диёрбек Умаров бронза медали билан тақдирланди.

Ушбу натижалардан кейин Ўзбекистон делегациясининг мусобақадаги медаллари сони 29 тага етди. Ҳозирга қадар спортчиларимиз 6 та олтин, 13 та кумуш ва 10 та бронза медалини қўлга киритган.

Муаллиф: Ҳасанбой ОЧУН