Тиббиёт чиқиндилари утилизация декларациясини нега тўхтатилди?

Ижтимоий тармоқларда “Utilmet Servis” МЧЖ ёнида катта миқдордаги ишлатилган тиббиёт буюмларининг сақланаётганлиги ҳамда улардан қўланса ҳид чиқаётгани ҳақида видео тарқалди. Ҳолат Тошкент вилояти Тошкент туманида содир бўлаётгани айтилмоқда.

Мазкур ҳодиса юзасидан PARADIGMA.UZ интернет нашри Санитария ва эпидемиология қўмитаси ва бошқа мутасаддилардан жавоб олди.

Ўзбекистон

20.08.2025, 14:37

Lotinchada

Улашиш:

Tibbiyot chiqindilari utilizatsiya deklaratsiyasini nega toʻxtatildi?

Кеча, 19 август куни Тошкент туман ҳокимлиги мазкур ҳолатга расмий муносабат билдирди.

Муносабатга кўра, утилизация маркази 2024 йил 17 июлда президент томонидан 263-сонли қарорига биноан яъни ишлатилган тиббий асбоб-ускуналарни йўқотиш, утилизация натижасида муқобил энергия олиш вазифаси қўйилгани учун барча утилизация ташкилотлар фаолияти тўхтатилган.

Тошкент вилояти Санипед бошқармаси Тошкент тумани бўлими шифокори Комолиддин Тошпўлатовнинг айтишича, АҚШнинг “SAYR LLC” фирмаси инвестор сифатида келиб, бу ерда Ўзбекистон Республикаси ҳудудида “SAYR GREEN” МЧЖ корхонаси ташкил этилади. Корхона бутун Ўзбекистон ҳудудида марказлар ташкил этади. У ерда ишлатилган тиббиёт ускуналарини марказлашган ҳолда утилизация қилиб, ундан муқобил энергия олишда фойдаланилади.

“Кеча ўтказилган тезкор тадбирдан сўнг “Utilmet Servis” МЧЖ иш фаолияти тўхтатилган. Лекин шартнома тузилганлиги учун даволаш-профилактика муассасаларидан келтирилган тиббий чиқиндилар уюмлари ҳосил бўлган. Сабаб, корхона ҳудудига сиғмаганлиги учун. Лекин улар иш фаолиятини, утилизация жараёни ўзи босқичма-босқич олиб борганлиги учун келаётган чиқиндининг ҳажмий миқдорини ўз вақтида тўхтатилганлиги сабабли булар шу уйилиш ҳолатига олиб келган”, — дейди Комолиддин Тошпўлатов.

Унга кўра, уйилган чиқиндиларни бошқа белгиланган ҳудудга олиб кетиш жараёни бошланган.

Ўзбекистон

20.08.2025, 14:37

Улашиш:

#Тиббиёт чиқиндилари #Тошкент тумани #утилизация

машҳур янгиликлар