Tibbiyot chiqindilari utilizatsiya deklaratsiyasini nega toʻxtatildi?

Kecha, 19 avgust kuni Toshkent tuman hokimligi mazkur holatga rasmiy munosabat bildirdi.

Munosabatga koʻra, utilizatsiya markazi 2024 yil 17 iyulda prezident tomonidan 263-sonli qaroriga binoan yaʼni ishlatilgan tibbiy asbob-uskunalarni yoʻqotish, utilizatsiya natijasida muqobil energiya olish vazifasi qoʻyilgani uchun barcha utilizatsiya tashkilotlar faoliyati toʻxtatilgan.

Toshkent  viloyati Saniped boshqarmasi Toshkent tumani boʻlimi shifokori Komoliddin Toshpoʻlatovning aytishicha, AQShning “SAYR LLC” firmasi investor sifatida kelib, bu yerda Oʻzbekiston Respublikasi hududida “SAYR GREEN” MChJ korxonasi tashkil etiladi. Korxona butun Oʻzbekiston hududida markazlar tashkil etadi. U yerda ishlatilgan tibbiyot uskunalarini markazlashgan holda utilizatsiya qilib, undan muqobil energiya olishda foydalaniladi.

“Kecha oʻtkazilgan tezkor tadbirdan soʻng “Utilmet Servis” MChJ ish faoliyati toʻxtatilgan. Lekin shartnoma tuzilganligi uchun davolash-profilaktika muassasalaridan keltirilgan tibbiy chiqindilar uyumlari hosil boʻlgan. Sabab, korxona hududiga sigʻmaganligi uchun. Lekin ular ish faoliyatini, utilizatsiya jarayoni oʻzi bosqichma-bosqich olib borganligi uchun kelayotgan chiqindining hajmiy miqdorini oʻz vaqtida toʻxtatilganligi sababli bular shu uyilish holatiga olib kelgan”, — deydi Komoliddin Toshpoʻlatov.

Unga koʻra, uyilgan chiqindilarni boshqa belgilangan hududga olib ketish jarayoni boshlangan.