Коррупция учун судланганлар электрон реестрга киритилади

Жумладан, улар давлат хизматига қабул қилинмайди, давлат мукофотлари билан тақдирланмайди ҳамда сайланадиган ёки алоҳида тартибда тайинланадиган лавозимларга номзод сифатида кўрсатилмайди.

Шунингдек, улар давлат органлари ҳузуридаги жамоатчилик кенгашлари ва идоралараро коллегиал органлар таркибига киритилмайди.

Реестрга киритилган шахслар таъсис этган ёки устав капиталидаги улушининг 50 фоизидан ортиғига эгалик қиладиган тадбиркорлик субъектлари давлат харидлари ҳамда давлат-хусусий шериклик лойиҳаларида иштирокчи ёки ижрочи сифатида қатнашиш ҳуқуқидан маҳрум этилади.

Бундан ташқари, мазкур шахслар давлат улуши 50 фоиздан юқори бўлган ташкилотлар ва давлат таълим муассасаларида раҳбарлик лавозимларида ишлай олмайди.

Маълум қилинишича, коррупцияга оид жиноятлар учун судланган шахсларнинг электрон реестри Коррупцияга қарши курашиш агентлиги томонидан Ички ишлар вазирлиги билан ҳамкорликда юритилади.