Қирғизистондаги зилзила Ўзбекистонда ҳам сезилди

Зилзила Фарғона вилоятининг қайси ҳудудларида сезилди?

Республика Сейсмопрогностик мониторинг маркази маълумотига кўра, зилзила 14 октябрь куни соат 13:50 да Қирғизистоннинг Боткен вилоятида қайд этилган.

Ер силкиниши Ўзбекистоннинг Фарғона вилоятида қуйидаги ҳудудларда сезилган:

Фарғона тумани — 2–3 балл (эпицентрдан 18 км);
Қувасой шаҳри — 2–3 балл (20 км);
Фарғона шаҳри — 2 балл (25 км);
Марғилон шаҳри — 2 балл (34 км).

Маълум қилинишича, зилзила ўчоғи 10 километр чуқурликда жойлашган. Зилзила марказидан Тошкент шаҳригача бўлган масофа 251 километрни ташкил этган.

Ҳодиса оқибатида талофатлар, вайронгарчиликлар ёки жабрланганлар ҳақида маълумот келиб тушмаган.

Муаллиф: Ҳасанбой ОЧУН