320 ta vokzal, stansiya va razʼezd nomi davlat tili meʼyorlariga muvofiqlashtiriladi

Transport vazirligi matbuot xizmatining xabar qilishicha, Vazirlar Mahkamasining 651-sonli qarorida “Oʻzbekiston temir yoʻllari” aksiyadorlik jamiyati tizimidagi barcha obʼektlarning nomlari lotin yozuviga asoslangan oʻzbek tili qoidalariga mos shaklda qayta yozilishi belgilandi.

Xususan:

• Qoʻngʻirot tumanidagi vokzal nomi “Kungrad” oʻrniga “Qo’ng’irot” deb yoziladi;

• Asaka tumanidagi temiryoʻl stansiyasi “Assake” oʻrniga “Asaka”;

• Past Dargʻom tumanidagi stansiya esa “Djuma” oʻrniga “Juma” tarzida rasmiylashtiriladi.

Shuningdek, ushbu oʻzgarishlar peshlavhalar, axborot koʻrsatkichlari, elektron maʼlumot tizimlari va navigatsiya belgilarida ham aks ettiriladi.

Qarorga binoan, barcha zarur texnik va tashkiliy ishlar uch oy muddatda yakunlanishi belgilangan.