Abbosbek Fayzullayev Turkiya klubiga oʻtdi

Oʻzbekiston milliy terma jamoasi va Moskvaning SSKA klubi yarimhimoyachisi Abbosbek Fayzullayev Turkiyaning «Istanbul Bashakshehir» klubi safiga oʻtdi.

Mazkur transferning moliyaviy jihatlari toʻliq ochiqlanmagan boʻlsa-da, avvalroq tarqalgan maʼlumotlarga koʻra, turk klubi Fayzullayev uchun SSKAga 7,5 million yevro taklif qilgan, bonuslar bilan bu summa 10 million dollarga yetishi mumkin.

«Istanbul Bashakshehir» jamoasida Oʻzbekiston terma jamoasining yana bir yetakchi futbolchisi — Eldor Shomurodov ham faoliyat olib bormoqda. Bu ikki futbolchining bir jamoada oʻynashi oʻzbekistonlik muxlislar uchun alohida qiziqish uygʻotishi aniq.

Fayzullayevning Turkiya Superligasiga yoʻl olishi uning rivoji va Yevropa futbol bozoridagi nufuzini oshirishda yangi bosqich boʻlishi mumkin.