Avtomobillarda foydalaniladigan xushboʻy ifor taratuvchi vositalar salomatlik uchun jiddiy zararligini bilasizmi?

Gruziyaning Batumi shahrida yangi uy-joy loyihalaridagi kvartiralar savdosining 77 foizi xorijlik xaridorlarga, qolgan 23 foizi esa mahalliy fuqarolarga toʻgʻri kelmoqda. Xaridorlar tarkibida Markaziy Osiyo mamlakatlari 6 foizni tashkil etmoqda.

Oʻzbekiston prezidenti Shavkat Mirziyoyev Doha shahrida boʻlib oʻtgan Ijtimoiy rivojlanish boʻyicha ikkinchi Jahon sammitida ishtirok etdi va bir qator muhim takliflarni ilgari surdi.

2026 yil 1 yanvardan boshlab chiqindi xizmatlari uchun toʻlovlar faqat onlayn tarzda amalga oshiriladi. Uyma-uy yurib toʻlov undirish amaliyoti bekor qilinadi. Internet aloqasi yoʻq hududlarda esa toʻlovlar bank va «Oʻzbekiston pochtasi» orqali qabul qilinadi.

Maldiv orollari yosh avlod uchun chekishga umummilliy taqiq joriy etgan dunyodagi birinchi davlatga aylandi. Orol davlati hukumati 2007 yil 1 yanvardan keyin tugʻilgan barcha shaxslarga, jumladan sayyohlarga ham, chekishni va tamaki mahsulotlarini sotishni taqiqladi.

Oʻzbekiston prezidenti farmoni bilan ichki ishlar vaziri oʻrinbosari — Jamoat xavfsizligi departamenti boshligʻi Bekmurod Abdullayev va Jazoni ijro etish departamenti boshligʻi Rustam Tursunov lavozimidan ozod etildi.

Turkiyaning yirik neft qayta ishlash korxonalari xalqaro sanksiyalar fonida Rossiya neftini sotib olishni qisqartirib, uning oʻrniga Qozogʻiston va Erondan neft xaridini koʻpaytirmoqda. Bu haqda Reuters manbalarga tayanib xabar berdi.

Ukrainada Rossiya armiyasi tomonida ishtirok etgan ikki shimoliy koreyalik harbiy asirga olingach, ular Seul himoyasiga topshirishini soʻragan. Maʼlum boʻlishicha, shimoliy koreyalik harbiylar asirga tushmaslik uchun oʻz joniga qasd qilish, yaralanganlar esa granata bilan oʻzini portlatish buyrugʻini olgan. Eslatib oʻtamiz, Pxenyan 2024 yil davomida Rossiya armiyasini qoʻllab-quvvatlash uchun taxminan 10 ming askar yuborgan.

Prezident qaroriga muvofiq noyabr oyida har bir ehtiyojmand oilaga 1 million soʻm miqdorida bir marta moddiy yordam berilishi boshlandi. Fuqarolar mablagʻni bank kartalari yoki elektron toʻlov tizimlari orqali qabul qilishi mumkin.

Italiya hukumati uch yil ichida Yevropa Ittifoqiga kirmaydigan mamlakatlardan 500 ming kishiga mehnat ruxsati berishni rejalashtirmoqda. Mamlakatda keksa qatlamning koʻpayib boryotgani, yoshlar mamlakatni tark etayotgani koʻplab sohalarda ishchi kuchi tanqisligiga sabab boʻlmoqda.