YPX xodimini mashinasida sudrab ketgan haydovchiga jinoyat ishi qoʻzgʻatildi

Tekshiruvlar davomida 2001 yilda tugʻilgan haydovchi 144 marta qoidabuzarlikka yoʻl qoʻygani, shundan 38 tasi boʻyicha jarimalar muddati oʻtgani va 30 tasi Majburiy ijro byurosiga oʻtkazilgani aniqlangan. Uning umumiy qarzi 18 million 90 ming soʻmni tashkil etgan.

Haydovchi shu kuniyoq qoʻlga olinib, unga nisbatan Jinoyat kodeksining 219-moddasi bilan jinoyat ishi qoʻzgʻatildi. Tergov harakatlari olib borilmoqda.

Qonunga koʻra, mazkur modda boʻyicha aybdor deb topilgan shaxs 50–100 baravar BHM miqdorida jarima, 360 soatgacha majburiy jamoat ishlari yoki 3 yilgacha axloq tuzatish ishlari, shuningdek, 1–3 yilgacha ozodlikdan cheklash yoki ozodlikdan mahrum etilishi mumkin.

Yigit qilgan ishidan afsusdaligini bildirib, jamoatchilikdan uzr soʻradi:
«Harakatni davom ettirdim, yoʻldagi avtomashinalar toʻsib, toʻxtatishga harakat qildi va men toʻxtadim. Bu ish bu darajaga yetib boradi deb oʻylamaganman. Ichki ishlar xodimlari va xalqimdan kechirishlarini soʻrayman. Bunday xatoni takrorlamayman. Mendan keyingi tengdoshlarimga ham maslahatim — bu ishni qilmanglar, yaxshi oqibat bermaydi», — dedi u.