Bayram kuni Oʻzbekistonda qor yogʻadi

Toshkent shahrida havo biroz bulutli boʻladi, kechasi va ertalab tuman tushib, biroz qor yogʻishi mumkin. Shamol sharqdan 5-10 m/s tezlikda esadi. Harorat kechasi 1 daraja sovuq – 1 daraja iliq, kunduzi 2-4 daraja iliq boʻladi. 

Qoraqalpogʻiston Respublikasida havo biroz bulutli boʻladi, baʼzi joylarda tuman tushib, biroz qor yogʻishi mumkin. Sharqiy shamol yoʻnalishini oʻzgartirib, shimoldan 7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat kechasi 3-8 daraja sovuq, kunduzi 2 daraja sovuq – 3 daraja iliq boʻladi. 

Xorazm viloyatida havo biroz bulutli boʻladi, baʼzi joylarda tuman tushib, biroz qor yogʻishi mumkin. Sharqiy shamol yoʻnalishini oʻzgartirib, shimoldan 7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat kechasi 0-5 daraja sovuq, kunduzi 2 daraja sovuq – 3 daraja iliq boʻladi.  
Buxoro va Navoiy viloyatlarida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan  7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat kechasi 3 daraja sovuq –2 daraja iliq, kunduzi 0-5 daraja iliq boʻladi. 

Toshkent, Sirdaryo, Samarqand hamda Jizzax viloyatlarida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat kechasi 3 daraja sovuq – 2 daraja iliq, kunduzi 0-5 daraja iliq boʻladi. 

Qashqadaryo va Sirdaryo viloyatlarida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 0-5 daraja iliq, baʼzi joylarda 2 daraja sovuqqacha, kunduzi 3-8 iliq boʻladi. 

Andijon, Namangan hamda Fargʻona viloyatlarida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 5-10 m/s tezlikda esadi. Harorat kechasi 3 daraja sovuq – 2 daraja iliq, kunduzi 3-8 daraja iliq boʻladi.  

Respublikaning togʻ oldi hududlarida havo biroz bulutli boʻladi, yogʻingarchilik kutilmaydi. Baʼzi joylarga tuman tushishi mumkin. Shamol sharqdan 7-12 m/s tezlikda esadi, baʼzi joylarda 13-18 m/s gacha kuchayishi mumkin. Harorat kechasi 5-10 daraja sovuq, kunduzi 0-5 daraja sovuq boʻladi. 

Shuningdek, joriy yilning 8-11 dekabr kunlari Oʻzbekiston hududiga sovuq havo massalari kirib kelishi kutilmoqda. Havo harorati kechalari 5-10 daraja sovuqqacha, kunduz kunlari 0-5 daraja sovuqqacha, shimolda kechalari 8-13 daraja sovuqqacha, kunduz kunlari 2-7 daraja sovuqqacha pasayadi.