Eldor Shomurodov nima uchun Turkiyani tanlaganini ochiqladi

Oʻzbekistonlik forvard YouTubeʼdagi "90minutUz' podkastida ishtirok etib, oʻzining transferiga oid bir qator maʼlumotlarni ommaga oshkor qildi.

"Saudiyadan demagan boʻlardim-u, BAA va Qatardan aniq katta takliflar bor edi. Turkiyadan boshqa katta jamoalardan ham taklif bor edi. Nomini aytmayman. Nima uchun “Bashakshehir”ni tanladim? Chunki, yosh klub. Boshqa katta jamoalarga qaraganda baribir (u yerda) bosim kamroq. U Konferensiyalar ligasida oʻynaydi. Yetarlicha oʻyin amaliyoti aniq boʻladi. Bu narsa Jahon chempionatiga ham yaxshi tayyorgarlik uchun poydevor boʻladi deb oʻylayman", — deydi u.

Eslatib oʻtamiz, avvalroq Shomurodov Turkiyaning "Istanbul Bashakshehir" futbol klubiga transfer qilinganini maʼlum qilgan edik.