Nodir Ganiyev Fransiya Prezidentiga ishonch yorligʻini topshirdi

Qayd etilishicha, marosimda Fransiya davlat rahbari 2023 yil noyabr oyida Samarqand shahriga kelganini eslab, Oʻzbekiston bilan hamkorlikni davom ettirish hamda doʻstlik aloqalarini yanada mustahkamlash tarafdori ekanligini bildirgan. 

Shuningdek, Prezident Makron Oʻzbekiston elchisi bilan bir qatorda yana 20 nafar boshqa davlat elchilariga ishonch yorligʻini topshirgan. 

Maʼlumot uchun, 53 yoshli Nodir Ganiyev 13 iyul kuni Parij shahriga Oʻzbekistonning yangi elchisi oʻlaroq safar qilgandi. U shu kunga qadar Oʻzbekistonning Shvetsiyadagi birinchi favqulodda va muxtor elchisi lavozimida ishlagan. 

Nodir Ganiyov Toshkent davlat sharqshunoslik universitetini tamomlagan. 1994 yildan buyon Tashqi ishlar vazirligi tizimida faoliyat yuritib kelmoqda. Shuningdek, u Markaziy apparatda va mamlakatning xorijdagi diplomatik vakolatxonalarida ham turli lavozimlarda ishlagan. 

Shvetsiyaga elchi boʻlib tayinlanishidan oldin Tashqi ishlar vazirligining Yevropa mamlakatlari va Yevropa Ittifoqi institutlari bilan hamkorlik boshqarmasiga rahbarlik qilgan.